Xurdefet

«Xurdefet» é unha homenaxe a dúas iconas da cultura francesa do século XX: Jacques Prévert e Jacques Tati.

Calquera día é bo para unha festa, aínda que a túa nai non queira que saias da casa, por se te mollas, por se te ensuxas, por se alguén te leva, por se non atopas o camiño de volta, por se…

Unha muller, que foi nena hai algún tempo, volve ao patio da súa casa e lembra un día de festa no que descubriu que os animais tiñan preocupacións moi semellantes ás súas: non querían medrar nunha gaiola, non querían que os insultasen, non querían aburrirse, non querían xogar sen compañía.

Recollemos das xeniais palabras de Jacques Prévert, un autor francés do século XX que coñeceu un grande éxito en vida, que conseguiu estar nas bocas de quen aínda canta cancións ás que lles puxo letra, que pasou á historia do cine polos guións de clásicos como Les enfants du paradis, que lle deu voz poética a quen non a tiña, que escribiu pequenas pezas de teatro para ser representadas por actores e actrices de calquera idade, que realizaba colaxes cos que completaba un imaxinario que deixou impronta na sociedade francesa ata converterse nun clásico recente… e que é case un completo descoñecido en Galicia.

  • Interpretación

    Paula Carballeira
    Nuria Sanz
    Chiqui Pereira

  • Dirección

    Chiqui Pereira

  • Texto

    Paula Carballeira
    a partir de textos de Jacques Prévert

  • Ax. dirección
    José Campanari
  • Música
    Nacho Sanz
  • Iluminación
    Baltasar Patiño
  • Aux. Produción
    María Rosendo
  • Asesoría Coreográfica
    Olga Cameselle
  • Deseño Gráfico
    Nadina Gráfica
  • Unidade didáctica
    Lara Rozados
  • Gravación video
    Illa Bufarda