A miña histora do teatro galego
A miña historia do teatro galego é un podcast no que Chiqui Pereira ofrece un percorrido persoal e algo irrevenrente polos últimos 40 anos do teatro galego. Este proxecto conta coa apoio do Ministerio de Cultura e financiado pola Unión Europea – Next Generation EU.
Proxecto
Abordamos a narrativa histórica a partir de momentos significativos, persoas, actuacións, etc., para estimular as lembranzas dos participantes e así reconstruír a nosa crónica. Non queremos desafiar a narrativa existente sobre a historia recente do noso teatro; simplemente pretendemos ampliala, incluíndo outras realidades, persoas, proxectos e narrativas. Non buscamos a obxectividade; queremos que a subxectividade das persoas que a viviron cree a nosa historia. Por iso falamos da “miña historia”.
Seccións
Ademais da narración principal, o podcast conta coas seccións “Mulleres á escena!”, “O premio improbable” e “O meu espectáculo”. Un dos obxectivos destas seccións é ampliar a participación no proxecto para incluír unha parte significativa da escena das artes escénicas de Galicia. Esta estratexia garante que “A miña historia…” sexa un proxecto inclusivo que recoñeza o éxito colectivo no desenvolvemento da escena das artes escénicas de Galicia nos últimos anos.
Multimedia
Equipo
Co obxectivo de garantir a precisión e a diversidade de opinións e perspectivas sobre os distintos temas, reunimos un equipo estable cos que comparar, consultar e ampliar os nosos coñecementos sobre todos os aspectos que desexamos abordar ao longo da serie. De xeito similar aos consellos editoriais que se atopan habitualmente nas revistas, este comité será o responsable de suxerir as persoas máis axeitadas para as entrevistas, así como de orientar o enfoque e o contido desas entrevistas.
