EN ESCENAAno 2021Público AdultoInstagram do proxectoFicha Artística
IntérpretesPaula Carballeira
Texto e dramaturxiaPaula Carballeira
DirecciónChiqui Pereira
IluminaciónChiqui Pereira
AudiovisuaisJosé Jamardo
Deseño Gráficonadina grafica
Ax. ProduciónMiguel Calvo
ProduciónChiqui Pereira
En Galicia contamos cunha tradición oral excepcionalmente viva. A través dela desenvólvense contos, lendas, sucedidos, lances reais de vidas reais que ao contalos se volven ficcións. Nesa tradición inmaterial, gardada na memoria dos nosos maiores, atopamos o que somos. Vai sendo hora de lembrarnos tamén deles e delas, de corresponder ao legado que nos deixan.
Os contos permiten que falemos de nós mediante as peripecias que lle acontecen a outra xente. E así, entre contos e conversas, intentaremos facer memoria, darémoslle a cada lembranza a importancia que merece. Tanto ten que sexan lembranzas de hai moitos anos, de hai uns poucos, de hai uns meses. Tanto ten que sexan lembranzas propias ou que llas tomemos prestadas a alguén.
Espectáculo entre o escénico e o experiencial, no que esvaemos os limites entre palco e patio de butacas, dando voz tamén ás lembranzas do público.
