EN ESCENAAno 2019Público AdultoDossierGalegoEspañolFicha Artística
IntérpretesJuan Diego AlzateJose Ricardo AlzatePaula Carballeira
TextoPaula Carballeira
Dirección e DramaturxiaChiqui Pereira
Asesoría Dramaturxia e DirecciónJoan Josep Giralt
Espazo escénicoPaulina Restrepo
IluminaciónChiqui Pereira
Espazo SonoroSoyuz
MúsicaMerender Swing
AudiovisuaisMIKA
Deseño Gráficonadina grafica
Ax. ProduciónMiriam Rodríguez
ProduciónChiqui PereiraJose Ricardo Alzate
Ao meu lado sinto alguén que non son eu, pero que se me parece, como unha sombra ou un reflexo. Mírame, xúlgame, quéreme, ódiame. Vivimos no mesmo país, pero temos ideas opostas. É o meu rival, a miña inimiga, o meu inimigo. Eu son o seu rival, a súa inimiga, o seu inimigo. Está no outro bando. Estou no outro bando. Quero destruíla, quero destruílo e ao mesmo tempo necesítoa, necesítoo. É el ou eu. Son eu ou ela. É a guerra. A Guerra Civil. É a miña conciencia. É a miña memoria. É o meu esquecemento. É a posibilidade ou non de vivir en paz comigo mesmo.
Desde tempos inmemoriais o home tivo a necesidade de proxectarse a través da súa sombra, do seu reflexo, da súa pegada, para coñecerse a si mesmo, para obxectivizarse.
O dobre alude a unha procura que pasa sempre pola confrontación co outro. Un outro que non é máis que a escisión alegórica do eu. Un eu irracional e salvaxe. Un eu de aspecto deforme nos relatos fantásticos. Un eu convertido no inimigo común que une as masas no relato político.
Precisamente ese inimigo común foi empregado nas guerras internas en Colombia e en España, moitas veces definidas como “loitas fraticidas”, e que reflexan de maneira metafórica o ámbito do dobre.
Doppelgänger é unha coprodución das compañías Berrobambán e Corporación Arca de N.O.E. co Centro Dramtático Galego.